السلام عليكم ورحمه الله وبركاته
شيخي الكريم .. هل هناك خطأ في طرحي لهذا الموضوع .. ؟؟
حيث اني عبرت علي الرومانسيه بـ معني آخـر من عندي .. ووضعت نتايج له وامثله لـ مواقف الرسول صلي الله عليه وسلم ...
:: المووووووضوووووووع :::
للرومانسيه معنـي حلـو .. مفهوم رائـع .. الكل يتمني يكون رومانسي ..
ومضمون الرمانسيه احلـى واحلـى ..
ولو طبقنا الرومانسيه مع كل الي نحبهم بـ حياتنـا .. راح نعيش احلـي حياة ..
بـ الاول خلوني اعرفكم علي معني الرومانسيه ..
الرومانسيه هي سلوك منعكس لـ شعور حلوو في القلب .. ( من تأليفي ) ..
هـ السلوك عادةً يكون بـ ذرابه وادب ورقه في التعامل ..
ولو دورنا علي الرومانسيه راح نلقاها بـ حياتنا علي طول بس تجتاج ندور عليها شوي ..
تراا مو عيب الواحد يكون رومانسي
بـ العكس خل يكون ارمس واحد علي وجه الارض ( عجيبه ارمس مو ) ..
وفي شغله مهمه لازم نعرفها ..
ترى مو شرط يكون الرومانسيه بين الرجل والمرأه وبين المرأه والرجل ..
ممكن تكون من مرأه لـ مرأه ومن رجل لـ رجل ..
لا يروح بـالكم بعيد .. وطبعاً كل شيء له حدود =)
وازيدكم من الشعر بيت .. الرومانسيه موجوده بـ الاسلام ..
يعني قصدي من تعاليم الاسلام ان الواحد يكون رومانصي
يمكن ما جت بـ الاسم .. لكن جت في المعني ..
وعشان تتأكدون أكثـر .. بحط لكم أمثلـه ..
مره من المرات الرسول صلـي الله عليه وسلم .. يمشي مع معاذ بن جبل
فقال له .. " يا معاذ .. والله اني احبك في الله " ..
الله ..
يا بختك يا معاذ .. الرسول صلـي الله عليه وسلم يقول " والله اني احبك في الله " ..
قمه في الرومانسيه وقمه في العاطفه ..
الله يرزقنا مخبتك يا رسول الله ..
وخلونا نقرأ هـ الاية مع بعض .. " قل ان كنتم تحبون الله فاتبعوني يحببكم الله "
حب .. منو يحبناا .. الله ..
شنو يبي مناا .. " اتبعووني "
بمعني نجمع بين حبين .. حب الله وحب الرسول صلـي الله عليه وسلم ..
قمه في الرومانسيه ..
وكلنا نعرف ان الرسول صلي الله عليه وسلم ..
كان يسابق عائشه رضي الله عنهـا ..
في المره الاولي اسبقته .. لانها كانت صغيره وضعيفه ..
لكن لمن كبرت تسابقت معاه وسبقهاا ..
فقاال : " هذه بـ تلك " ..
هذي الرومانسيه الصح
مرات الواحد يسأل نفسه .. انا اقدر اصير رومانسي مع ربعي واخواني وامي وابوي ..؟؟
يصير ونص ..
الي يختلف بينهم التعبيـر بس .. ولا المشاعر موجوده بين الكل ..
خلوني اوضخ اكثـر ..
في ناس اتعبر عن رومانسيتها ..بـ الكلمه << الاب .. الام .. الاخوان .. الخوات .. الزوجه .. والعيال ..
في ناس اتعبر عن رومانسيتها .. بـ الهديه << الربع .. الاصدقااء.. ووايد ..
في ناس اتعبر عن رومانسيتها .. بـ الفعل << نلاقي روحنا نحب نتساعد ونشتغل وياهم .. نحب قعدتهم وسوالفهم ونصايحهم ..
طيب يمكن يجي واحد يقول .. صرنا رومانسيين وبعدين يعني ؟
يعني نتاايج الرومانسيه
الالفه .. " المؤمن يألف ويؤلف ولا خير فيمن لا يألف ولا يؤلف " ..
المحبه .. " تهادوا تحابوا " ..
التعاون .. " مثل المؤمنين في توادهم وتراحمهم وتعاطفهم كمثل الجسد الواحد اذا اشتكى منه عضو تداعى له سائر الجسد بالسهر والحمى "
التواصي " الا الذين امنوا وعملوا الصالحات وتواصوا بالحق وتواصوا بالصبر "
والـخ الخ الخ ...
صحيح الرومانسيه مطلوبه بين الزوجين .. بس ما يمنع تكون مع اهلنا وربعنا ..
لمن ندش البيت ونحب امنا وابونا على روسهم .. رومانسية
لمن نساعد اخوان واخواتنا بـ البيت .. رومانسية
لمن نوقف مع ربعنا بـ السراء والضراء .. رومانسية
لمن نعبر عن مشاعرنا لـ الي حوالينا .. رومانسية
مو بس جذي ..
انا و انتوا نقدرون نصيرون رومانسين مع الرسول صلـي الله عليه وسلم ..
اهو كان معانا بـ قمه الرومانسيه لمن قال : " واشوقاه لاخوانـي " ..
الشوق مرحله من مراخل الحب .. والحب قمه الرومانسيه ..
تبونا نحب الله والرسول .. << " فاتبعوني " ..
هني صج نكون بـ قمه الرومانسيه والحب لله والرسول ..
مو بس جذي .. لازم ما ينازعهم في قلوبنا اي حب ثااني ..
" والله اني لأحبك يا رسول الله .. أكثر من ولدك .. اكثر من اهلك .. اكثر من مالك اكثر من نفسك .. "
" والله يا رسول الله لأنت أحب الي من نفسي .. الآن يا عمر "
هل من أخطاء لـ هذا الموضوع .. ؟؟
اني اقصد منه الفائده ..
الأحد نوفمبر 09, 2014 6:38 pm